A semana pasada dúas aulas de Ed. Infantil visitaron a Biblioteca por motivos moi diferentes. A profe Fina e os nen@s de 5 anos B acudiron para recoller uns libros que lles axudarán a investigar sobre o universo (os planetas, as constelacións, os meteoritos,...). Xa saben moitas cousas como, por exemplo, que na Lúa non hai gravidade ou que Plutón non é un planeta, pero de seguro que cos libros científicos que levaron en empréstito descubrirán moitas máis.
A outra visita foi a dos nen@s de 3 anos A coa súa profe Mariña (a mestra que substituiu a Carolina) que viñeron á Biblioteca para devolver os libros que xa levaran en empréstito...dixeron que lles encantaran!!!. Aproveitaron a visita para ler o conto "MARILUZ, AVESTRUZ" escrito por Rachel Chaundler e Bernardo Carvalho (editorial OQO) e aínda que son os máis pequenos do cole e as cadeiras lles quedaban un pouquiño grandes, portáronse de marabilla: falaban baixiño, escoitaban atentamente, coidaban os contos,...
Estamos seguras de que ao ver esas cariñas tan interesadas estaredes desexando saber sobre que tratará o conto ... pois desexo concedido!!
Se queredes ver este ou outros igual de divertidos e interesantes, non o dubidedes...
VISITADE A BIBLIOTECA!!!!
No hay comentarios:
Publicar un comentario